Эң көп сынга кабылган министрлер (видео) — НТС


Баш мыйзамдын жаңы редакциясы кабыл алынганга чейин өкмөттүн курамы өзгөрөбү же азыркылар эле бекитилип, убактылуу иштеп турабы? Акыркы учурда айрым министрлер сөзүнөн жаңылып, ишинде чалынып жатканын эске алганда кадрдык өзгөрүүлөр болушу мүмкүн.

Жаңы конституция кабыл алынганга чейин өкмөттү бекитүү милдети парламенттеги коалициянын мойнунда. Депутаттар болсо бул маселени кароого шашылышкан жок. Инаугурациядан кийин чечим кабыл алынат экен. Ага чейин биз эң көп сынга кабылган министрлердин ишине саресеп салып көрдүк.



Source link

Жаңылыктар / 22.01.21 / Кечки чыгарылыш — 21.30 (видео)



Садыр Жапаровдун инаугурациясында Бишкектин көчөлөрү жабылбайт. Жаңы шайланган президент шаан-шөкөттүү салтанаттан баш тартканын билдирди. Коронавируска каршы күрөшүү боюнча 14 кылмыш иши козголду. Илдеттен көз жумгандардын чыныгы саны 6000ден ашарын мекемелер аралык комиссия эсептеп чыккан. Өкмөттүн курамы канча пайызга өзгөрөт? Кайсы министрлер кетирген кемчилиги үчүн аткаруу бийлигинен айдалышы мүмкүн? Таштанды иштетүү заводун курууга бөлүнгөн каражаттын тең …



Source link

Коронавирус менен күрөшүүгө байланыштуу 14 иш козголду (видео) — НТС


Коронавирус менен күрөшүүгө байланыштуу 14 кылмыш иши козголгон. Мындай маалыматты пандемиянын кесепеттерин аныктоо боюнча түзүлгөн мекемелер аралык комиссиянын мүчөлөрү ачыкка чыгарышты. Алардын анализи боюнча, баасы 600-650 сом турган жеке коргонуучу бир костюмду мамлекет 6000 сомго сатып алган.

Ошондой эле, көчөлөрдү дезинфекциялоодо, тоннелдерди колдонууда каражаттар максаттуу пайдаланылган эмес. Пандемия маалында дагы кандай катачылыктар кетирилген жана кайсы жетекчилер жоопко тартылышы мүмкүн?



Source link

Садыр Жапаровдун инаугурациясы кандай өткөнү жатат? (видео) — НТС


Президент болуп шайланган Садыр Жапаровдун инаугурациясы 28-январда Бишкектеги Токтогул Сатылганов атындагы Кыргыз Улуттук филармониясында өтөт. Ал үчүн атайын уюштуруу комитети түзүлүп, ага 16 мекеменин жетекчилери киришти.

Иш-чараны уюштурууга республикалык бюджеттен жалпысынан 10 миллион сом чыгымдалып, ага 1100 конок чакырылуусу күтүлүүдө. Инаугурация пандемия шартында өткөнү жаткандыктан тиешелүү иштердин баары кырдаалга жараша жүргүзүлөт.



Source link

«Мээримдүүлүк текчеси» кайрымдуулук акциясы Бишкекте (видео) — НТС


Жардам бере алсаң — бер, муктаж болсоң — ал! Бишкек шаарындагы айрым дүкөндөрдө «Мээримдүүлүк текчеси» аталышындагы кайрымдуулук акциясы башталды. Аз камсыз болгон үй-бүлөлөр текчеге коюлган азык-түлүктөрдү бекер эле ала алышат.

Ошондой эле демөөрчү болом дегендер дагы буга өз салымын кошсо болот. Акциянын уюштуруучуларынын айтымында, мындай иш чаранын максаты — жардамга муктаж болгон адамдарга азык-түлүк жагынан көмөк көрсөтүү.



Source link

Мыйзамсыз байыган деп шектелген жетекчи колго түштү (видео) — НТС


4 миллион долларга бааланган мүлк жана катардагы мамлекеттик кызматкер. УКМК мыйзамсыз баюуга шектүү катары Финполициянын Ички иликтөө жана коопсуздук башкармалыгынын башчысын кармады. Атайын кызматтын маалыматына караганда, ал акыркы 6 жылда эле Бишкек жана Ош шаарларында 15 кыймылсыз мүлк сатып алып, жакындарына каттаткан.

Мындан тышкары бир катар обьекттердин курулушуна ири суммада инвестиция салган. «Мыйзамсыз баюуга» шектелген аткаминер мурдагы президенттин тууганы деген да маалыматтар чыгууда.

 



Source link

Коронавирустан кимдер бизнес жасаган? (видео) — НТС


Март айынын башында өлкөдө коронавирустун 3-толкуну эң жогорку чекке жетиши күтүлүүдө. Бирок даярдык 100 пайыз, дейт саламаттыкты сактоо министри Алымкадыр Бейшеналиев. Айтымында, бул жолу тез жардам унаалары жетишпей же ооруканалар кабыл албай койгон учурларга жол берилбейт.

Ал арада өкмөттүн пандемия учурундагы ишмердигин иликтеген комиссия ишин узартты. Себеби иш жүзүндөгү сандар менен штаб берген маалыматтан өтө чоң айрыма чыгып жатыптыр. Вице-премьер министр Элвира Сурабалдиева болсо гумжардамдар уурдалганы аз келгенсип, айрым адамдар пандемиядан бизнес жасашканын айтып чыкты.



Source link