Экзотикалык жандыктар ачка калып, үшүй башташты (видео) — НТС


Коронавирус пандемиясы бир гана адамдардын жашоосун оорлоштурбастан, жаныбарларга дагы таасирин тийгизүүдө. Бишкек шаарындагы айбанаттардын реабилитациялык борбору жардамга муктаж. Бул зоопарка темир бастырма жана жаныбарларга ылайыкташтырылган атайын жай курууга 70 миң сом керектелет.

Ошондой эле, экзотикалык айбанаттарды тамак-аш менен камсыздоо үчүн каражат жетпей жатыптыр. Аталган жайда жандыктардын 40ка жакын түрү жашайт. Алардын көпчүлүгүн адамдар үйүндө багыш үчүн алышып, бирок бага албай калган соң бул жайга таштап кетишкен. Айрымдарын болсо көчөдөн эле таап алышкандыктан, борборго алып келүүгө аргасыз болушкан.



Source link

Президенттин укуктарын кеңейткен баш мыйзамдын жаңы долбоору (видео) — НТС


Баш мыйзамдын жаңы долбоору кызуу талкууга алынууда. Парламенттин сайтында, документти Жогорку Кеңештин 80ден ашык депутаты демилгелегени көрсөтүлгөн. Жаңы редакцияга ылайык, мамлекеттик башкаруу түп тамырынан өзгөртүлүп, президенттин укуктары бир топ кеңейтилет экен. Долбоордо мамлекет жетекчиси өкмөт башчысын дайындап, аткаруу бийлигинин курамын жана түзүмүн аныктайт деп көрсөтүлгөн.

Буга кошумча президент беш жылдан эки мөөнөткө шайланууга мүмкүнчүлүк алат. Мындан тышкары, «Элдик курултай» деген жаңы институтун түзүп, депутаттардын санын 90го кыскартуу сунушталган. Референдумду 10-январга мөөнөтүнөн мурда дайындалган президенттик шайлоо менен бирге өткөрүү аракети көрүлүүдө.



Source link

Кышында электр жарыгын берүү үзгүлтүккө учурап турабы? (видео) — НТС


Аба-ырайынын кескин суукташы менен өлкөнүн айрым аймактарында электр энергиясы кайрадан маал-маалы менен өчүрүлө баштады. Бишкек шаарындагы Арча-Бешик жаңы конушу жарыксыз калса, көп өтпөй мындай кырдаал Чүй областындагы Кант шаарынын бир бөлүгүндө да кайталанган. Бирок Улуттук энергохолдинг компаниясынын өкүлдөрү авариялык өчүрүүлөр болгондугун четке кагышууда.

Айтымдарында, электр жарыгы оңдоо иштерине байланыштуу пландуу түрдө өчүрүлүп жатыптыр. Ал арада мешине жагууга көмүрү жок, электр жарыгынын көзүн карап отурган айрым тургундар бул көрүнүш кычыраган кышта да кайталанбайбы деп чоочулашууда.



Source link

Ишкерге курал менен кол салууга шектелген кылмыштуу топтун мүчөсү кармалды — НТС


Ысык-Ата районунда ишкерге курал менен кол салууга шектелип уюшкан кылмыштуу топтун мүчөсү кармалды. Бул тууралуу Чүй областтык Ички иштер башкы башкармалыгынан кабарлашты. Шектүү кримчөйрөдө «БТР» деген каймана атты алып жүрөрү да белгиленди.

Маалыматка караганда, быйыл жыл башында белгисиз бирөөлөр бизнесменди курал менен коркутуп буюмдарын алып кетишкен. Эмне болгон буюмдар экени тергөөнүн купуялуулугуна байланыштуу ачыкталган эмес.

Милиция фактыны каттоого алгандан кийин шектүүнүн ким экенин аныктап, издөө жарыялаган. Ал эми сот анын баш коргоо чарасын сыртынан карап, камакка алуу чечимин чыгарган. 28 жаштагы шектүү Бишкектен кармалып, Ысык-Ата райондук ички иштер бөлүмүнүн убактылуу кармоочу жайына киргизилген.

Бул тууралуу маалыматты кенеңирээк НТСтин жаңылыктарынан көрө аласыздар. 



Source link

Өлкөдө саясий процесстер укуктук талаага кайтып келди (видео) — НТС


Кыргызстан башка өлкөлөр менен болгон эки жана көп тараптуу келишимдердин алкагындагы эл аралык милдеттенмелерин улантат жана аткарат. Бул тууралуу президенттин милдетин аткаруучу Садыр Жапаров өлкөдө аккредитацияланган дипломатиялык миссиялардын жана эл аралык уюмдардын башчылары, чет мамлекеттердин ардактуу консулдары менен кезигип жатып билдирди.

Жолугушууда өлкөдөгү коомдук-саясий кырдаал толук турукташкандыгын айтты. Ошондой эле, дипөкүлчүлүктөрдүн жетекчилерине кайрылып зарыл реформаларды жүргүзүүгө, инвестиция тартууга жана башка бир катар багыттарда колдоо көрсөтүүгө чакырды.



Source link

Өлкөдө Тарых жана ата-бабаларды эскерүү күнү белгиленет — НТС


«Тарыхты терең түшүнүү жана анын сабактарын эске алуу». Эки күн катары менен Тарых жана ата-бабаларды эскерүү күнү белгиленет. Бул күндөрү тарыхый 3 окуяга басым жасалат. Алар 1916-жылдагы Улуттук боштондук көтөрүлүшү жана анын арты менен болгон Октябрь революциясы.

Ошондой эле жалган жалаа менен атылып кеткен Кыргыз мамлекеттүүлүгүнүн түптөлүшүнө зор түрткү болгон кыргыздын чыгаан уулдары эскерилет. Бул датага утурлай 1930-жылдары репрессияга кабылган интеллегенция өкүлдөрүнүн туугандары “Ата-Бейит” мемориалдык коплексине барып куран түшүрүштү.



Source link

Темир тосмо алынса, эл өкүлдөрү элге жакын болобу? (видео) — НТС


Жогорку Кеңештин имаратын курчап турган темир тосмолор алына баштады. Демонтажды «Тазалык» муниципалдык ишканасынын атайын бөлүгүнүн 30 кызматкери жүргүзүүдө. Маалыматтарга караганда, 1,5 чакырымга жакын тосмону толугу менен алууга болжол менен бир жумадай убакыт керектелет.

Ошол эле убакта имараттын сыртындагы 2010-жылы 7-апрелдеги элдик төңкөрүштө курман болгондордун ысымдары жазылган такталар илинген 5 темир тосмо алынбайт. Ал тарых үчүн калтырылат экен.



Source link

Мамлекеттик мекемелердин тосмолорун алуу зарылбы? (видео) — НТС


Жогорку Кеңештин тосмолору алына баштагандан кийин дагы башка мамлекеттик мекемелердин кашааларын алуу зарылбы деген суроо талкуулана баштады. Учурда Ички иштер, Юстиция жана Тышкы иштер министрликтерин тегерете темир тосмолор курчап турат. Булардын катарына Мамлекеттик бажы кызматы дагы кирет.

Бул мекемелердин өкүлдөрү учурда кашааларды алуу зарылчылыгы жок экендигин билдиришүүдө. Мисалы Ички иштер министрлигинде мамлекеттик деңгээлдеги документтер менен кошо курал-жарактар да сакталат экен. Бирок ошол эле маалда айрым министрликтердин тегерек чети курчалбай эле турат.



Source link